Лабораториянең Идел аръягы бүлеге тарафыннан су объектларын мониторинглау
Әйләнә-тирә мохит торышын мониторинглауның расланган программасы нигезендә лабораториянең Идел аръягы бүлеге табигый су үрнәкләрен даими сайлап ала һәм аттестацияләнгән үлчәү методикалары нигезендә аларга анализ ясый.
Суның сыйфатын характерлаучы иң мөһим күрсәткечләрнең берсе - сульфат-ионнар. Судагы сульфатлар табигый сулыкларда, скважиналарда һәм эчәргә яраклы суда булган сульфат кислотасы тозларыннан гыйбарәт. Алар тау токымнары һәм минераллар юылуның табигый процесслары нәтиҗәсендә барлыкка килә, шулай ук хуҗалык һәм сәнәгать эшчәнлеге нәтиҗәсендә дә су объектларына эләгергә мөмкин.
Сайлап алынган су үрнәкләрендә сульфат-ионнар микъдарын билгеләү өчен лабораториянең Идел аръягы бүлеге аттестацияләнгән ПНД Ф 14.1:2:3.108-97 методикасы нигезендә титриметрик метод куллана. Сульфатларның масса концентрациясен билгеләү принцибы аларның кургаш ионнары белән аз эрүчән PbSO₄ утырымын хасил итү сәләтенә нигезләнгән. Эквивалентлык ноктасында артык кургаш ионнары дитизон белән реакциягә керә һәм комплекслы кушылма хасил итә. Бу вакытта эремәнең төсе зәңгәр-яшелдән кызыл-шәмәхә төскә үзгәрә.
Әлеге методика, метрологик тәэмин итүнең барлык таләпләрен үтәгәндә, анализның дөрес нәтиҗәләрен алуны тәэмин итә.