Әйләнә-тирә мохит торышын бәяләү коралы буларак экологик мониторинг
Экологик мониторинг әйләнә-тирә мохит торышындагы үзгәрешләрне күзәтүгә, бәяләүгә һәм фаразлауга юнәлдерелгән мәгълүмат системасы. Аның төп максаты -табигать процессларына антропоген йогынтыны ачыклау.
Экологик мониторингның төп бурычлары:
- әйләнә-тирә мохитнең торышы турында мәгълүмат җыю һәм аны системалаштыру;
- мәгълүматлар базасын булдыру һәм яңарту;
- хисапларны таблица, график һәм карталар рәвешендә әзерләү;
- мәгълүмат җыю ысулларын эшләү һәм яхшырту;
- әйләнә-тирә мохитнең агымдагы торышын бәяләү;
- үзгәрешләрнең сәбәпләрен анализлау;
- үзгәрешләрне фаразлау;
- карарлар кабул итү өчен мәгълүмат бирү;
- кызыксынган якларга мәгълүмат бирү.
Экологик мониторингны дәүләт учреждениеләре дә, хосусый оешмалар да үткәрә. Татарстан Республикасында бу эшне «ТР Геоүзәге фәнни-җитештерү берләшмәсе» ДБУ башкара.
Ул түбәндәге юнәлешләр буенча системалы тикшеренүләр үткәрә:
- өске суларны мониторинглау
- атмосфера һавасының сыйфатын контрольдә тоту
- су төбендәге катламнарның торышын анализлау
- туфрак катламын тикшерү.