Россия гадәттән тыш хәлләр министрлыгы гаджетлардан файдалану кагыйдәләрен үтәргә киңәш итә
Россия гадәттән тыш хәлләр министрлыгы гаджетлар белән эш иткәндә куркынычсызлык кагыйдәләре турында искә төшерә.
ТЕЛЕФОН ШАРТЛАМАСЫН ӨЧЕН:
- телефоныгызны кояшта яки җылыту приборлары янында калдырмагыз;
- аны мендәр астына салмагыз, юрган яки башка әйберләр белән капламагыз. Бигрәк тә телефон зарядкада торса;
- уеннарны өзлексез уйнамагыз! Телефонның җылынуын сизәсез - аңа суынырга ирек бирегез;
- телефонны бик түбән температурада кулланмагыз, бу вакытта телефонның заряды кискен кими. Аккумуляторда микро-ярыклар барлыкка килә -литийның агып чыгу куркынычы туа - телефон артык җылынганда яну куркынычы арта;
- телефонны чалбарның арткы кесәсендә йөртмәгез. Корпус белән бергә аккумулятор да деформацияләнергә мөмкин.
ТЕЛЕФОН ЗАРЯДКАДА БУЛГАНДА:
- арзанлы зарядкалау җайланмаларын кулланмагыз, хәтта инде унны югалткан булсагыз да. Сертификацияләнмәгән җайланмалар аккумуляторның зарарлануына һәм аның януына китерә;
- зарядкадагы телефон - шул ук электр приборы. Аны караучысыз калдырмагыз, зарядка беткәч, чыбыкны розеткадан чыгарыгыз.
- телефонга тоташтырылмаган зарядка җайланмасы һәрвакыт энергия сарыф итә! Әгәр дә ул розеткада даими тора икән, энергиянең 95% ы җайланманың үзен җылыту өчен кулланыла. Зарядкалау җайланмасы төзек булмаган яки түбән сыйфатлы булган очракта, кыска ялгану вакытында прибор янып, янгын чыгарыр дигән ихтималлык бар.