Хәтерлибез! Горурланабыз!
Җиңү көнен бәйрәм итү уңаеннан «ТР Геоүзәге фәнни-җитештерү берләшмәсе» ДБУ коллективы совет халкының Бөек Ватан сугышында күрсәткән батырлыгы истәлеген киләсе буынга тапшыруга багышланган чаралар үткәрде.
Хәрби батырлык һәм хезмәт фидакарьлеге елына багышланган тантаналы чаралар кысаларында «Мәңгелек ут» мемориалына һәм «Казан - хезмәт фидакарьлеге шәһәре» стеласына чәчәкләр салу тантанасы булды. Бу герой фронтовикларга һәм тыл хезмәтчәннәренә ихтирам һәм рәхмәт билгесе.
Учреждениедә барлык коллектив катнашында рәсми тантаналы җыелыш узды. Анда геройларны, шул исәптән хезмәткәрләрнең туганнарын искә алдылар, фотосурәтләр күргәзмәсе оештырдылар. Бу сурәтләр нигезендә «Беркем дә онытылмаган һәм бернәрсә дә онытылмаган» видеоматериал әзерләнгән. Шулай ук «Татарстан Бөек Ватан сугышы елларында» дип аталган стена газетасы чыгарылды. Ветераннарга тирән хөрмәт йөзеннән барлык хезмәткәрләр дә, Георгий ленталарын тагып, Бөтенроссия акциясендә катнаштылар.
Моннан тыш, яшь буынны патриотик тәрбияләү максатларында «Ватан сагында» иҗади конкурсы оештырылды. Җиңүчеләргә Рәхмәт хатлары һәм истәлекле бүләкләр тапшырылды.
Учреждение территориясендә хезмәткәрләрнең Бөек Ватан сугышында катнашкан гаилә әгъзалары хөрмәтенә агачлар утыртылды. Һәрбер агач - тыныч күк йөзе өчен гомерләрен биргән кешеләргә рәхмәт һәм хөрмәт символы.
Әлеге чаралар Җиңү көнен лаеклы билгеләп үтәргә ярдәм итеп кенә калмыйча, яшь буында ил тарихына хөрмәт тәрбияләүдә, буыннар арасында элемтәләрне ныгытуда һәм халкыбызның бөек батырлыгы турындагы хәтерне саклауда мөһим адым булып тора.