Җир асты байлыкларыннан файдаланучылар игътибарына!
«ТР Геоүзәге фәнни-җитештерү берләшмәсе» ДБУ җир асты байлыкларыннан файдалану белән кызыксынган затларга Татарстан Республикасы территориясендәге гомумтаралган файдалы казылмалар өлешендә җирле әһәмияттәге җир асты байлыклары кишәрлекләренә карата Татарстан Республикасы буенча җирле әһәмияттәге җир асты байлыклары кишәрлекләре исемлегенә кертү өчен заявкалар әзерләү буенча хезмәтләрнең тулы пакетын тәкъдим итә.
Безнең учреждение гомумтаралган файдалы казылмаларга, шулай ук җир асты суларына карата бай мәгълүмат базасына, шулай ук җир асты байлыкларыннан файдалану өлкәсендә югары квалификацияле белгечләргә ия. Моннан тыш, учреждение җирле әһәмияттәге җир асты байлыклары кишәрлекләреннән файдалану хокукына электрон аукционнарда катнашу өчен документлар комплекты, шулай ук аларны лицензияләү өчен кирәкле документлар әзерләүдә ярдәм күрсәтергә әзер.
«ТР Геоүзәге фәнни-җитештерү берләшмәсе» ДБУ башкара торган кайбер эш төрләре:
- ГСК-2011 системасында җир асты байлыклары кишәрлекләренең почмак нокталарының географик координаталарын билгели;
- җир өсте һәм җир асты коммуникацияләре, төзелешләр, урманнар, тау эшкәртмәләре (карьерлар) һәм бозылган җирләрне теркәп, җир асты кишәрлекләре мәйданнарын тикшерә;
- геологик һәм маркшейдер методлары ярдәмендә җирле әһәмияттәге җир асты байлыклары кишәрлекләре чикләрендә тау эшкәртүләренең һәм бозылган җирләрнең параметрларын билгели.
Консультацияләр өчен телефон: +7(843) 248-71-57.