Лабораториянең Кама аръягы бүлеге елга һәм күлләрдәге суның сыйфатын күзәтә
Лабораториянең Кама аръягы бүлегендә елгаларның гидрохимик торышын мониторинглау өчен даими рәвештә табигый өске су үрнәкләре алына. Күзәтү алып бару бик әһәмиятле булган су артерияләренең берсе - Кама елгасы. Ул агымы Түбән Кама сусаклагычы белән җайга салына торган зур елга.
Кама елгасының Березовая Грива авылы янында су сыйфатын мониторинглау зур әһәмияткә ия, чөнки агым уңаеннан югарырак чистарту корылмалары урнашкан. Зарарлы булырга мөмкин булган органик булмаган пычраткыч матдәләр микъдарын тикшереп торуга аерым игътибар бирелә. Аларның составына аммиак һәм аммоний тозлары кебек төрле химик матдәләр керә.
Белгечләр суда аммоний ионнары микъдарына анализны Несслер реактивын кулланып фотометрик метод ярдәмендә үткәрәләр. Үлчәү диапазоны 0,05 дән 150 мг / дм3 ка кадәр тәшкил итә.
Балык хуҗалыгы әһәмиятендәге сулар өчен рөхсәт ителә торган чик концентрацияләр нормативы аммоний ионнары өчен 0,5 мг/дм3 тәшкил итә.