Россия гадәттән тыш хәлләр министрлыгы пиротехниканы куркынычсыз куллану турында искә төшерә
Россия гадәттән тыш хәлләр министрлыгы пиротехник эшләнмәләрне сайлаганда һәм кулланганда куркынычсызлык кагыйдәләре турында искәртә:
- фейерверкларны һәм башка пиротехник эшләнмәләрне махсус кибетләрдә генә сатып алыгыз;
- фейерверкның сыйфат сертификаты булуына инаныгыз;
- янчелгән, чыланган тартмалы, ватылган фитильле эшләнмәләр сатып алмагыз;
- инструкцияне алдан ук игътибар белән укыгызз;
- филтәне сузылган кул ераклыгында яндырырга кирәк;
- кабызылган пиротехник эшләнмәләрне кулыгызда тотып тормагыз;
- кабызылган яки эшләп китми торучы әйбер өстенә иелмәгез, аны кабат кабызырга тырышмагыз;
- фейерверкны кешеләр, биналар, автолар ягына юнәлтмәгез;
- фейерверкларны кулга тоткан җирдән җибәрмәгез (хлопушкалар һәм бенгаль утларыннан тыш);
- җилле вакытта фейерверк атарга ярамый;
- пиротехник эшләнмәләрне кием кесәсендә йөртмәгез;
- пиротехниканы коры, балалар күрми торган урында саклагыз. Пиротехник эшләнмәләр балалар уенчыгы түгел!
Исегездә тотыгыз, пиротехника эшләнмәләрен саксыз куллану һәм алар белән дөрес эш итмәү янгынга һәм җитди җәрәхәтләргә китерергә мөмкин!