«ТР Геоүзәге фәнни-җитештерү берләшмәсе» ДБУ сынау лабораторияләрендә сынау нәтиҗәләренең дөреслеген бәяләү
Милли аккредитацияләү системасында аккредитацияләнгән лабораторияләр, әгәр дә бу мөмкин булса, үз эшчәнлекләрен башка лабораторияләр нәтиҗәләре белән чагыштырып мониторингларга тиеш.
2024 елның 2 нче кварталында «ТР Геоүзәге фәнни-җитештерү берләшмәсе» ДБУ лабораториясе су тирәлегендә нефть продуктларының, бакырның һәм хлорид-ионнарның массакүләм концентрациясен үлчәү буенча лабораторияара чагыштыруларда катнашты.
2024 елның 2 кварталында үткәрелгән лабораторияара чагыштырма сынаулар нәтиҗәләре буенча «ТР Геоүзәге фәнни-җитештерү берләшмәсе» ДБУ лабораториясе канәгатьләнерлек нәтиҗәләр белән квалификацияне тикшерүдә катнашу турында таныклык алды.
Лабораториянең лабораторияара чагыштырма сынаулар ярдәмендә квалификацияне тикшерү программаларында ел саен катнашуы үлчәүләр нәтиҗәләренең дөреслеген мониторинглауның төп методларының берсе булып тора.