Судан файдалануны лицензияләү буенча семинарлар
«ТР Геоүзәге ФҖБ» ДБУ дәүләт программасы кысаларында су кулланучыларны лицензияләү мәсьәләләренә багышланган күчмә семинарлар үткәрә. Әлеге чараларның максаты -Татарстан Республикасы муниципаль берәмлекләре оешмаларының, учреждениеләренең һәм халыкның хәбәрдарлык дәрәҗәсен күтәрү. Бу төбәктә су ресурслары белән идарә итү системасын яхшыртуга комплекслы якын килүнең бер өлеше.
Беренче семинар 2024 елның 26 июнендә Буа шәһәрендә узды. Катнашучылар законнардагы актуаль үзгәрешләр, судан файдалануны лицензияләүнең төп принциплары һәм су объектларыннан файдалануга рөхсәт рәсмиләштерүнең гамәли аспектлары турында белделәр. Спикерлар булып «ТР Геоүзәге ФҖБ» ДБУ хезмәткәрләре чыгыш ясады.
Июль аенда Арча, Әлмәт һәм Чистай шәһәрләрендә шундый ук семинарлар планлаштырылган. Семинарлар программасы җир асты һәм җир өстендәге суларны куллану өчен рөхсәт документларын рәсмиләштерү өлкәсендә норматив-хокукый базаны тикшерүне, шулай ук катнашучыларның шәхси мәсьәләләре буенча консультацияләрне үз эченә ала.
Күчмә семинарлар ярдәмендә Татарстан Республикасының ерак районнарында яшәүчеләр су ресурсларыннан файдалану өчен рөхсәт документларын рәсмиләштерү мәсьәләләре буенча квалификацияле консультация ала һәм бу өлкәдә хокукый грамоталылык дәрәҗәсен күтәрә ала.