Куйбышев сусаклагычының җир өсте сулары торышын мониторинглау
2023 елның сентябрь ахырында бортында «Волга-М» судно табигать саклау комплексы урнаштырылган «Фламинго» экологик-аналитик судносында белән Казан шәһәре – Кама Тамагы штп/Куйбышев Затоны штп. – Тәтеш шәһәре – Казан шәһәре маршруты буенча «ТР Геология үзәге ФҖБ» ДБУ белгечләре тарафыннан экспедиция уздырылды.
Экспедициянең максаты табигый һәм антропоген характердагы төрле пычрану чыганакларының җир өсте сулары торышына йогынтысын тикшерү иде.
Белгечләр тарафыннан комплекслы тикшерүләр үткәрелде һәм суның гидрофизик һәм гидрохимик параметрлары билгеләнде, шулай ук стационар лабораториядә җентекле анализлау өчен контроль нокталардагы су пробалары алынды.
Суның химик составын билгеләү өчен корабта агым-инжекция анализаторлары кулланыла. Анализаторларның эш принцибы агым-инжекция анализы ысулына нигезләнгән. Бу ысулның асылы – фотометрик, флюориметрик яки потенциометрик детектор ярдәмендә контрольдә тотыла торган параметрларның физик-химик үзлекләрен реаль вакыт режимында билгеләп, проба әзерләүнең автомат процессын (фильтрацияләү, химик формаларны тотрыкландыру, концентрацияләү) гамәлгә ашыру.