Каймар торак пунктында эзләү-бәяләү бораулавы
«ТР Геоүзәге ФҖБ» ДБУ дәүләт йөкләмәсе нигезендә, киләчәктә республиканың Биектау муниципаль районы, Каймар торак пунктында торак-коммуналь хуҗалыкны су белән тәэмин итү өчен җир асты суларын эзләү эшләре башланды.
Әзерлек эшләре кысаларында учреждение хезмәткәрләре тарафыннан иң уңайлы участокларны билгеләү өчен территория тикшерелде, җир өстендәге электр-разведка үткәрелде, шулай ук проект документациясе әзерләнде.
Росгеолэкспертизаның уңай бәяләмәсен алган эш проектына ярашлы рәвештә, тиешле нәтиҗәне алу өчен 4 скважинаны борауларга кирәк, шуларның 2се геологик кисемне төгәлләү өчен картировкалау һәм 2се сулы горизонтларның физик параметрларын билгеләү өчен эзләү-бәяләү өчен таләп ителә.
Бүгенге көндә белгечләр картировка скважинасын бораулауны тәэмин итә, аннан соң җир асты суларының тирәнлеге һәм сулы катламның куәте турында ышанычлы мәгълүмат алыначак.