Лабораториянең Кама аръягы бүлеге атмосфера һавасына мониторинг үткәрә

2023 елның 16 феврале, пәнҗешәмбе

Лабораториянең Кама аръягы бүлеге үз эшчәнлеген Түбән Кама, Зәй һәм Сарман районнары территориясендә башкара. Атмосфера һавасы сыйфатын тикшереп тору максатларында 19 күзәтү пунктында күчмә экологик лабораторияне (ПЭЛ-1) кулланып, 18 күрсәткеч буенча проба сайлап алына.

«Җәлил» нефть чыгару идарәсенең әйләнә-тирәлеккә йогынтысын билгеләү өчен бүлек хезмәткәрләре Сарман районының Иске Минзәләбаш торак пунктына бардылар. Тикшерү нәтиҗәләре буенча һавада зарарлы матдәләрнең рөхсәт ителгән чиктән тыш концентрацияләре ачыкланмады.